Geiht nich – gifft ´t nich. Unner disse Motto stunn de eerste Snupperkurs för plattdüütsk interesseerte Mesterkes un Mesters an de Beroopsschool Wittmund. De Beroopsschool Wittmund hett sük up hör Fahnen schreven, dat se sük de Region un de Spraak verplicht föhlt. Tosammen mit de Spraakberaders Dr. Wilfried Zilz un Herbert Fuhs hebben se nu Nagels mit Koppen maakt un en Snupperkurs up Platt dörföhrt. Mit vööl Pläseer un Bliedskupp wurren de eerste Woorden up Plattdüütsk proot of snackt. Toeerst geev dat en lüttje Inföhren in de Spraak.

En Bült Schoolwichter un Schooljungse ut de Kuntrei van Wittmund proten of snacken tohuus Plattdüütsk. Komen se na de Beroopsschool, denn is dat för de Mesters, de ut anner Kuntreien komen, faker heel stuur mit de Schölers/kes in Kuntakt to komen. Man dat is nu anners worden, un de Deelnehmers/kes könen na disse Snupperkurs al en bietje wat verstahn un kriegen beter Kuntakt to de Schoolwichter un Schooljungse. All sünd sük eenig, dat disse Spraak heel bedüdend för disse Region is un erhollen blieven mutt.

Dat löppt!

Bericht: Herbert Fuhs