De Jugendbildungsstätte Asel freit sük över dree wunnerbare Banken, de nu in de Ingangsberiek van hör Jugendhuus stahn. De Innahmen ut en Kunzert van de Projektchor Taktwechsel sünd daarto bruukt worden, um neje Mögelheiden to sitten för de Jugendbildungstätte in Asel to stiften.

Na en plattdüütsken Anfraag van de Fackmester Herbert Fuhs an de Beroopsschool Wittmund hebben de Beroopsschölers/kes ut de Bauofdelen sük mit hör Fackmester Heer Christian Janssen dat Wark annohmen un de Banken sülvst baut. Se hebben an ‘t Planen west un vööl verscheden Modellen mitnnanner vergleken.

De Schölers/kes kunnen daarbi hör heel Künn un Weten, wat se bit nu erarbeiddt harren, insetten un tosamen mit hör Fackmester Heer Christian Janssen dat Wark angahn. Daarbi sünd se ok van de Fackmester Heer Dieter Ramm stöönt worden, de de heel Metallkonstruktion tosaagt, sweißt un bohrt hett. De Banken sünd nu klaar un wurren vergangen Week upstellt. För de Schölers/kes is dat ok wat heel besünners, de Projektbanken för en gode Inrichten to maken.

De Jugendbildungsstätte hett as Dank för de moje Banken de heel Bauklass mit hör Mesters to en Middageten nöögt. Van disse Sied en heel groot Dank an de Mesters Heer Janssen un Heer Ramm, dat se dat Projekt annohmen un mit hör Schölers plaant un dörföhrt hebben.

Hunnert!

Bericht: Herbert Fuhs